ungal seythi

சென்னை மாதவரத்தில் உள்ள ரசாயன ஆலையில் பயங்கர தீவிபத்து ! அணைக்கப் போராடும் தீயணைப்பு வீரர்கள் - புகை காரணமாக சுற்றுவட்டார மக்கள் பாதிப்பு !

தேசிய குடியுரிமை திருத்தச் சட்டம் முஸ்லிம்களுக்கு மட்டும் எதிரானது அல்ல,  அனைத்து சமுதாய மக்களுக்கும்  எதிரானது ! - விசிக தலைவர் திருமாவளவன் பேட்டி 

டெல்லியில் சிஏஏ -வுக்கு  எதிராக அமைதியான முறையில் போராட்டம் நடத்திய சிறுபான்மையினர் மீது பிஜேபியினர் கலவரம் ஏற்படுத்தி வன்முறையை ஏவியதால் 35 பேர் பலியானதாக அனைத்துக் கட்சி தலைவர்கள் கண்டனம்! இதனை தடுக்கத் தவறிய உள்துறை அமைச்சர் அமித்ஷாவை  பதவி நீக்க கோரி சோனியா காந்தி தலைமையில் ஜனாதிபதியிடம் காங்கிரஸ் தலைவர் கள் மனு அளித்தனர். ** தலைநகர் டெல்லியில் இப்படி நடந்திருப்பது நாட்டிற்கு அவமானம் ! - முன்னாள் பிரதமர் மன்மோகன்சிங். ** முன்னரே திட்டமிட்டு பிஜேபி இந்த வன்முறையை நடத்தியிருக்கிறது ! - சோனியா காந்தி  ** சம்பவத்தில் வீடுகள், வாகனங்கள் தீவைப்பு, கடைகள் அடித்து உடைப்பு, கொள்ளை - கொலைகள் நடந்துள்ளன. போலீசார் தடுக்காமல் வேடிக்கை பார்த்ததாக குற்றச்சாட்டு !

காரைக்குடி அருகே அமராவதிபுதூரில் ஶ ராஜராஜன் பொறியியல் மற்றும் தொழில்நுட்பக் கல்லூரியில் சிவில், மெகானிக்கல், இசிஇ, சிஎஸ்இ, இஇஇ ஆகிய பாடப்பிரிவுகள் குறைந்த கட்டணத்தில் கற்றுக் கொடுக்கப்படுகிறது. சிறந்த ஆசிரியர்கள், லேப், ஒர்க் ஷாப், லைப்ரரி, விடுதி, பேருந்து வசதி  வேலைவாய்ப்பு முதலான சிறப்புகள் இருப்பதாக  அங்கு  நடந்த விழாவில் அழகப்பா பல்கலைக்கழக  முன்னாள் துணை  வேந்தர் - கல்லூரி  ஆலோசகர் சுப்பையா தெரிவித்தார் .

இஸ்லாமிய மக்களுக்கு அதிமுக எப்போதும் அரணாக இருக்கும் ! - துணை முதல்வர் ஓபிஎஸ் 

முதல்வர் பழனிசாமி கொண்டுவந்த வேளாண் சிறப்பு பாதுகாப்பு  மண்டல மசோதா தமிழக சட்டமன்றத்தில் ஒருமனதாக நிறைவேறியது ! ** திருச்சி, கரூர் ஆகிய மாவட்டங்களில் தொழிற்சாலைகள் நிறைந்துள்ளதால் வேளாண் பாதுகாப்பு சிறப்பு மண்டலத்தில் சேர்க்கப்படவில்லை என முதல்வர் விளக்கம் !

முன்னாள் முதல்வர் ஜெயலலிதா பிறந்தநாளை பெண் குழந்தைகள் பாதுகாப்பு தினமாக சட்டமன்றத்தில் முதல்வர் பழனிசாமி அறிவிப்பு ! ** ஆதரவற்ற பெண் குழந்தைகள் 21 வயதானதும் அவர்களது வங்கி கணக்கில் அரசு  ரூ.2 லட்சம் செலுத்தும் ! ** உலமாக்கள் ஓய்வூதியம் ரூ.1500லிருந்து 3000 ஆக உயர்வு !

குடியுரிமை திருத்த சட்டம், மக்கள்தொகை பதிவேடு, குடிமக்கள் பதிவேடு ஆகியவற்றுக்கு எதிராக தமிழக சட்டமன்றத்தில் தீர்மானம் நிறைவேற்ற வலியுறுத்தி இஸ்லாமிய அமைப்புகளின் கூட்டமைப்பு சார்பாக சென்னையில் மாபெரும் சட்டமன்ற முற்றுகை போராட்டம் அறிவிக்கப்பட்டது ! இதனைத் தொடர்ந்து, வாலாஜா சாலையில் லட்சம் பேர் திரண்டனர் ! கலைவாணர் அரங்கில் இருந்து சேப்பாக்கம் வரை பேரணி நடைபெற்று முடிந்தது. இ.யூ. முஸ்லிம் லீக் தேசிய தலைவர் பேராசிரியர் காதர் மொகிதீன், எம்.எல்.ஏ.க்கள் முஹம்மது அபூபக்கர், தமீமுல் அன்சாரி, எஸ்.டி.பி.ஐ. மாநில தலைவர் தெஹ்லான் பாகவி, தமிழ்நாடு முஸ்லிம்  தொண்டு இயக்க பொதுச் செயலாளர்  டாக்டர் சேமுமு. முகமதலி, ம.ம.க. தலைவர் ஜவாஹிருல்லா உட்பட இஸ்லாமிய அமைப்புகளின் , தலைவர்கள், திமுக, காங்கிரஸ், கம்யூனிஸ்ட் கட்சிகளின் பிரமுகர்களும் பங்கேற்றனர். ** திருச்சி, நெல்லை, மதுரை முதலான நகரங்களிலும் முஸ்லிம்கள் ஆர்ப்பாட்டம் ! ** அனைத்து இடங்களிலும் பலத்த போலீஸ் பாதுகாப்பு - கண்காணிப்பு !

சிஏஏ-க்கு எதிராக தீர்மானம் கொண்டுவர சபாநாயகர் மறுப்பு !  கண்டித்து மு.க.ஸ்டாலின் தலைமையில் தி.மு.க. வெளிநடப்பு! **சிறுபான்மை மக்களின் உணர்வுகளைப் புரிந்துகொள்ளக் கூட அதிமுக அரசு தயாராக இல்லை ! - ராமசாமி எம்.எல்.ஏ.  ( காங்கிரஸ் ) பேட்டி ** சென்னை வண்ணாரப்பேட்டை தடியடி சம்பவத்திற்கு முதல்வர் பழனிசாமி அளித்த விளக்கம் ஒருதலைப்பட்சமாக உள்ளது. தடியடிக்கு காரணமான போலீஸ் அதிகாரியைக் காப்பாற்றும் வகையில் உள்ளது ! - முஹம்மது அபூபக்கர் எம்.எல்.ஏ. ( இ.யூ. முஸ்லிம் லீக் ) குற்றச்சாட்டு.

சென்னை வண்ணாரப்பேட்டையில் குடியுரிமை திருத்த சட்டத்தை எதிர்த்து முஸ்லிம் மகளிர் போராட்டம் நடைபெற்றபோது திடீர் என போலீசார் தடியடி  நடத்தினர் !  இதனால் மகளிர் சிதறி ஓடினர். பலர் படுகாயமடைந்து மருத்துவமனையில் அனுமதிக்கப்பட்டனர்.  கல்வீச்சில் காயமடைந்ததாக 3 போலீசார் ஸ்டேன்லி மருத்துவமனையில் அனுமதிக்கப்பட்டனர். இதனைத் தொடர்ந்து தடியடி தாக்குதலைக் கண்டித்து   தமிழகம் முழுவதும்  இஸ்லாமிய அமைப்பினர், கட்சியினர் ஆர்ப்பாட்டம் நடத்திவருகின்றனர். இ.யூ.முஸ்லிம் லீக் எம்.எல்.ஏ. முஹம்மது அபூபக்கர், எம்.பி. நவாஸ் கனி முதலான தலைவர்கள் போலீஸ் உயர் அதிகாரிகளை சந்தித்து தடியடி நடத்த உத்தரவு பிறப்பித்த போலீஸ் அதிகாரி மீது நடவடிக்கை எடுக்குமாறு கோரினர்.  அமைதிக்கான ஒத்துழைப்பு அளிப்பதாகவும் உறுதி கூறினர்.

குடியுரிமை  திருத்த சட்டம்,  தேசிய மக்கள்தொகை பதிவேடு, தேசிய குடிமக்கள் பதிவேடு ஆகியவற்றை ஏற்க மாட்டோம் - அமல்படுத்த மாட்டோம் என புதுவை சட்டமன்றத்தில்  முதல்வர் நாராயணசாமி வரலாற்று சிறப்புமிக்க தீர்மானம் நிறைவேறியுள்ளார் ! - திமுக தலைவர் மு.க.ஸ்டாலின் பாராட்டு.

காங்கிரஸ் முன்னாள் தலைவர் ராகுல்காந்தி மீண்டும் கட்சித் தலைமையை ஏற்கிறார் ! ஏப்ரல் மாதம் பொறுப்பேற்பார் என தெரிகிறது !

தலைநகரில் ஆம் ஆத்மி பெற்ற வெற்றி நாடு முழுவதும் புதிய நம்பிக்கையைத் தோற்றுவித்துள்ளது. ** மொஹல்லா கிளினிக்குகள், ஊழலற்ற நேர்மையான ஆட்சி, பிஜேபி மத்திய அரசின் நீதியற்ற -மதவாத சட்டங்களுக்கு எதிர்ப்பு போன்றவை மாபெரும் வெற்றியை ஈட்டியுள்ளதாக அரசியல் ஆய்வாளர்கள் கூறுகிறார்கள் !

டெல்லி சட்டமன்ற தேர்தலில் ஆம் ஆத்மி 62 இடங்களில் வெற்றி பெற்று 3வது முறையாக கேஜ்ரிவால் தலைமையில் ஆட்சி அமைக்க உள்ளது. பிஜேபி 8 இடங்கள் மட்டும் பெற்று பின்னடைவு! மதவாதப் பிரிவினைப் பேச்சால் இந்த நிலை என கருத்து. ** அமானத்துல்லா, அப்துல் ரஹ்மான், சுஐப் அக்தார் உட்பட 5 ஆம் ஆத்மி வேட்பாளர்கள் வெற்றி !

எஸ்சி, எஸ்டி இடஒதுக்கீட்டை பிஜேபி அழிக்க நினைக்கிறது  ! -ராகுல்காந்தி குற்றச்சாட்டு 

காவிரி டெல்டா மாவட்டங்கள் விவசாய பாதுகாப்பு மண்டலமாக அறிவிக்கப்படும் ! - முதல்வர் பழனிசாமி பேச்சு 

சீனாவில் கொரோனா வைரஸ் ஆட்டிப்படைப்பதால், அந்நாட்டு அதிபர் ஜிஜின் பிங் ரகசியமான இடத்தில் ' பாதுகாப்பாக ' இருப்பதாக தகவல் ! இதனால் மக்களிடையே அதிருப்தி ஏற்பட்டுள்ளது.

கடன்தர மறுக்கும் வங்கிகள் குறித்து சிறு, குறு தொழில் முனைவோர் மின்னஞ்சல் மூலம் புகார் அளிக்கலாம் ! - மத்திய நிதியமைச்சர் நிர்மலா சீதாராமன்

** கொரோனா ஆட்கொல்லி வைரஸ் சீனா தொடங்கி உலகம் முழுதும் பரவிவருகிறது. சீனாவில் மட்டும் 700 பேருக்கு மேல் பலி ! ** சீனா யூகான் நகரில் 10,000 படுக்கைகள் கொண்ட கொரோனா வைரஸ் தடுப்பு சிறப்பு மருத்துவமனை  திறப்பு ! பிரமாண்டமான இந்த மருத்துவமனை 10 நாட்களில் கட்டி முடிக்கப்பட்டுள்ளது !

சி.ஏ.ஏ.வுக்கு ரஜினிகாந்த் ஆதரவு அளித்து பேட்டி ! எதிர்க்கட்சிகள் இதை மிகைப்படுத்துவதாக புகார்.

லக்னோவில் இந்திய ராணுவ தளவாட 5 நாள் கண்காட்சியை பிரதமர் மோடி தொடங்கி வைத்தார் !

நெய்வேலியில் படப்பிடிப்பில் இருந்த நடிகர் விஜய், சென்னைக்கு காரில் அழைத்துவரப்பட்டு, பனையூர் இல்லத்தில் வருமான வரித்துறை அதிகாரிகள் விசாரணை நடத்தினர். ** பிகில் படத்துக்கு ரூ.50 கோடி சம்பளம் வாங்கினாரா என கேள்வி ! ** சென்னை ஏஜிஎஸ் பட தயாரிப்பு நிறுவன அலுவலங்களில் சோதனை ! ** திரைப்பட நிதியாளர் அன்புச்செழியன் இல்லங்களில் ரூ.64 கோடி  பறிமுதல்! 

மாவட்ட தலைநகராக உள்ள சிவகங்கையில் பலநூறு பேர் வந்து செல்லும் அரசு மருத்துவமனைக்கு ரயில் நிலையத்தில் இருந்து செல்ல போதிய நகர பேருந்து வசதி இல்லை ! ஷேர் ஆட்டோவில் மக்கள் முண்டியடித்துச் செல்லும் அவல நிலை ! மருத்துவமனையில் இருந்து ரயில் நிலையம் செல்ல 2 பஸ் பிடிக்கணுமாம் ! அதற்கும் மணிக்கணக்கில் காத்துக் கிடக்கணும்! சிவகங்கை ரயில் நிலையத்தில் கழிப்பறை தூர்ந்து கிடக்கிறது. கழிப்பறை சாவி நிலைய அதிகாரியிடம் உள்ளதாக அறிவிப்பு காணப்படுகிறது! பாவம் பயணிகள் கொஞ்சம் கவனிங்க ! - நமது நிருபர்

தமிழகத்தில் கொரானா வைரஸ் பாதிப்பு இல்லை ! - அமைச்சர் விஜயபாஸ்கர் தகவல் 

மதவாதப் போக்கில் -மதச்சார்பின்மைக்கு எதிராக -சிறுபான்மை மக்களுக்கு எதிராக பேசிவருவதால், அமைச்சர் ராஜேந்திர பாலாஜியை பதவிநீக்கம் செய்ய வலியுறுத்தி, ஆளுநரிடம் திமுக புகார் மனு அளித்தது !

** மத்திய பட்ஜெட் மக்களுக்கான சிறந்த பட்ஜெட் ! - முதல்வர் பழனிசாமி பாராட்டு ** பயனில்லாத பட்ஜெட் - மனநிறைவு அளிக்காத பட்ஜெட் ! - மு.க.ஸ்டாலின் விமர்சனம் ** மத்திய பட்ஜெட்டில் எதுவும் இல்லை ! - ப.சிதம்பரம் 

திமுக கூட்டணி கட்சிகள் சார்பாக, குடியுரிமை திருத்த சட்டம், தேசிய மக்கள் தொகை பதிவேடு, தேசிய குடிமக்கள் பதிவேடு ஆகியவற்றை எதிர்த்து தமிழக முழுவதும் கையெழுத்து இயக்கம் தொடங்கியது ! மு.க.ஸ்டாலின் , கனிமொழி எம்.பி., வைகோ, திருமாவளவன் ஆகியோர் பங்கேற்பு !

மத்திய பட்ஜெட் இன்று நாடாளுமன்றத்தில் நிதியமைச்சர் நிர்மலா சீதாராமன் தாக்கல் செய்தார் . வரியில்லா தனிநபர்  வருமான உச்சவரம்பு ரூ.5 லட்சமாக உயர்வு !